YADDA ZAKU HADA ABUN HANNU

Hada abun hannu abune mai sauki wanda za ku iyayi da kanku acikin kankanin lokaci, musanmam ma abun hannu wanda akai da dutsen beads.
A wannan karan zan nuna maku hanya mai sauki wanda zaku hada abun hannu mai sauki, domin zakuga yadda nai anfani da abin hannuna wanda ya tsufa wajen hada wani sabo kar maimakon na yarda shi. Wanda hakan ya kara kawata beads din.
  
  Abubuwan da zaku nima

Beads (manya da kanana)
Zaren roba (irin wanda ake shiri da)
Kwallon beza (tensile)
Karfen adon abon hannu (zaku iya anfani da kasan yari Wanda ya lalace)

Da farko zaku dauki tape ku auna hannun da zakuyiwa abun hannun saboda da roba zamuyi, anasone ya kama hannu kar yayi yawa. Bayan an auna sai ku rika iban beads din kuna shirya cikin zaren robarnan. Zaku iya shiryasu yadda kukeso manya da kanana ko manua zalla, kuna shiryawa kuna dan sirkawa da karfen adon nan. In kun gama sai ku kulle sosai yadda bazai ware ba. A wannan videon zakuga yadda na hada nawa, da kuma kalolin da nai daban daban. Ku danna link din nan dan ganin yadda nai nawa.   https://youtu.be/lYWn9suLzB4

YADDA AKE KUNSHI/ HENNA ART

Kunshi wani salone na kwalliya wanda ya samo usuli daga kasashen asia wato gurin larabawa da kuma india, ana yin kunshi ne dan kawata jikin wacce akaiwa musanmmam ga amare da matan aure dan birge mazajensu. a Nigeria yanzu kunshi na daga daya daga cikin ado mafi daukaka yayin da akace ana gudanar da bukukuwa na aure ko na salla. awani lokaci abaya ana anfani da ganyen lallene wajen sarrafa wannan kunshi a inda za a tsinki ganyen lalle a busar sannan a daka, bayan yayi laushi sai a kwaba da ruwa da kuma wasu sinadaren kamar zobo da siga.

   bakin kunshi ayanzu wani salone wanda ake anfanida wajen zanen fulawa a hannu da kafafuwa, wani sain ma har a wasu bangarori na jiki. abin alajabi anan shine bakin lalle ana anfani da wasu sinadarai ne sabanin ainihin ganyen lalle da muka sani na gargajiya. to a wannan videon na kawo maku yadda ake hada bakin lalle da kuma bayanin banbancinsa da ja. sannan a lokaci guda na nuna yadda ake ake zanashi a hannu da kafa. to asha kallo lafia.

YADDA ZAKU DINKA LABULE

Dinkin labule abune mai sauki wanda cikin dan kankanin lokaci za a iya yinsa. Labule na daga cikin kayan da suke kawata gidajenmu musanmam in akai anfani da yadi ko launi wanda yai daidai ya kuma haska wannan dakin da akai dominsa. A wannan karan zanyi maku bayanine akan hanyar da zakubi mafi sauki wajen dinkin kabulayenku da kanku a cikin gidajenku.

Abubuwan da zaku tanada.
Yadin labule
Tape mai zare
Tape na karfe ko lura
Karfen labule
Pin da keken dinki.

Yadda zaku dinka.
Da farko akwai bukatar ku auna kofa ko kuma tagar da zaku dinkawa labulen, ta hanyar anfani da tape. Wato zaku auna fadin kofar k nan da kuma tsayinta, dan ganin cikakken bayani akan yadda na auna kuna iya danna wannan link din https://youtu.be/HZnipJDVoW4 . Bayan kun auna Sannan saiku dakko yadin naku, misali in kun auna kofarku a kan inchi 5, to yanada kyau ku ninka awon yadda zai baku tattara bayan kun dinka, sai dai in mutum yafison labulen ya tashi ba tattara, ko da yake in akai mai tattarar yafi kyau.
  Atakaiche dai shi dai fadin kofa ana sa yadi daya ne da rabi zuwa yadi biyu. Tsayin kuma ya danganta da iya tsayin kofarku. Sannan in aka tashi za ai dinkin gidan karfe na labule ana sa inchi 2 ne. A wannan videon nai bayani tare da nuna yadda nai dinkin labulen domin karin bayani. Ku dannan wannan link din, https://youtu.be/HZnipJDVoW4  dan ganin yadda nayi.

GYARAN JIKI DA KURKUR

 KURKUR wani sinadarine mai matukar amfani jikin dan adam, ana amfani da kurkur wajen yin girki a kasashe daban daban na duniya, musanmam ma kasar india. kurkur yanada launi mai ruwan kwai kuma yana kama da citta sai dai shi baida yaji kamar shi citta. kurkur nada amfani daban daban ciki harda gyaran jiki da sanyawa fata lafiya.

  a wannan videon nayi bayani akan hanyoyi daban daban da za a iya anfani dashi wajen gyaran jiki ta hanyar amfani da kurkur kamar, maganin kuraje, maganin tabo, maida tsohuwa yarinya da dai sauransu.